Құрметті
Абай облысының тұрғындары!
Сіздерді Қазақстан Республикасының Конституциясы күнімен құттықтаймын!
Ата Заңымыз — тағдыр тоғыстырған көп ұлтты халқымыздың татулығы мен тұрақтылығының негізі, елдегі бейбітшілік пен келісімнің кепілі.
Әкімшілік және құқықтық реформалар, жергілікті өзін-өзі басқаруды дамыту, әлеуметтік жаңғырту — мұның бәрі берік Конституциялық негізде жүзеге асырылуда және халықтың өмір сүру деңгейін одан әрі жақсартуға бағытталған. Сондықтан Конституция күні – еліміздің әрбір азаматы үшін маңызды мерекелердің бірі.
5 маусым күні республикалық референдум нәтижесінде енгізілген өзгерістер арқылы еліміздің Ата Заңы Жаңа Қазақстанның жетістіктерінің бастауына айналатынына сенімдімін.
Қымбатты жерлестер!
Бүкіл жарқын істеріміздің қайнар бастауына айналған Ата Заңымыз — тәуелсіздігіміз бен тұтастығымыздың, тыныштығымыз бен бейбіт өміріміздің тұғыры.
Сіздерді Конституция күнімен құттықтай отырып, дендеріңізге саулық, шаңырақтарыңызға құт-береке тілеймін.
Ата Заңымыздың мерейі мен мәртебесі арта берсін!
Құрметпен, Абай облысының әкімі Нұрлан Ұранхаев
