-Президентіміздің кезекті жолдауын естідік, оны асыға күткеніміз де рас. Жолдауда қазіргі кезде қалыптасып жатқан жағдай туралы айтылды. Әрине, бұрындары да жолдаулар айтылатын, бірақ айтылған заттардың орындалмай жатқанын көріп, «қап, әттеген-ай» деген кездеріміз болды. Қалай болғанда да Жолдаудың маңызы өте үлкен.
Президентіміз Қасым-Жомарт Тоқаевтың 1-қыркүйектегі Жолдауының ерекше болғанын көрдік. Себебі, бұл жерде мынаны істейміз, мынаны жасаймыз деген пафостық мәнер жоқ. Басшысымыз қалыптасқан жағдайды жеткізді, өйткені бүгінгі оқиғалар халықаралық байланыста әсер етеді.
Сонымен қатар баға, бизнес, ауылшаруашылық, қаржыландыру мәселелерінің жаңа механизмдарымен бөлісті. Біздің мемлекетіміз мұхитқа шыға алмайтын мемлекет, алайда оның өзін тиімді пайдалана аламыз. Президентіміз де оның тиімді жолдарын айтты. Кейінгі проблема – автомобиль жолдары. Жолдарға бақылау қою керек деді, шынымен де қадағалау қажет. мысалы, кез-келген ауданның, облыстың басшысы бар, ал жолды белгілі өкілдер салуды бастайды да, ол аяқталмай қалады. Қаншама қаржысы желге ұшады. Оған кім жауап беруі керек? Жауап беретін адам жоқ. Сондықтан Президентіміз нақты мәселелерді жеткізді.
Жолдаудан білім саласына да көңіл бөлгенін көреміз. Қазір мектепке дейінгі тәрбиеге мән беру керек деп, бала-бақшаларды қаржыландыру мәселесіне тоқталды.
Мұхтарбек Қарпықұлы,
Шәкәрім университетінің профессоры, тарих ғылымдарының кандидаты
