Қазақстан – бүкіл халық жоғары
мамандандырылған тегін медициналық көмекке
қол жеткізе алатын әлемдегі аз ғана мемлекеттің
бірі. Халық денсаулығын жақсарту, денсаулық
сақтау саласын дамыту – мемлекет саясатының
басым бағыттарының бірі.
Денсаулық сақтау саласын
дамытуға бағытталған мемлекет-
тік бағдарламаларды жүзеге асы-
ру нәтижесінде еліміздің медицина-
сы жақсы жетістіктерге жетті. Өткен
жылы 2021 – 2025 жылдарға арналған
«Дені сау ұлт» әрбір азамат үшін са-
палы және қолжетімді денсаулық
сақтау» ұлттық жобасы қабылданған
болатын. Жобаның мақсаты — әрбір
азамат үшін сапалы және қолжетімді
денсаулық сақтауды қамтамасыз ету.
Осы жоба аясында медициналық
кадрлар шет елдердің жетекші
клиникаларында онкология, кар-
диология және кардиохирургия, ин-
сульт орталықтары, нейрохирургия,
медициналық оңалту, акушерлік және
гинекология сияқты басым бағыттар
бойынша оқудан өтіп келіп, алған
білімдерін тәжірибеде қолданып,
әріптестеріне үйретуде.
Жуырда Жарма аудандық
Мәдениет үйінде облыстық хирур-
гтер кеңесінің көшпелі семинары өтті.
Хирург, анастезиолог, реаниматолог
дәрігерлер бас қосқан жиын бары-
сында медицинаның білікті маман-
дары баяндама жасап, пікір алмасты.
Семинарда сондай-ақ Алматы қаласы
С.Асфендияров атындағы Қазақ
ұлттық мемлекеттік университетінің
медицина ғылымдарының про-
фессоры Е.Исмайлов, Шығыс
Қазақстан облысы онкологиялық
орталығының дәрігері А.Баймұсанов
өздерінің іс-тәжірибелерімен
бөлісіп, қазіргі медицинадағы зама-
науи құрылғылардың ерекшелігіне
тоқталды.
Шараға қатысқан аудан әкімінің
орынбасары А.Ибраев өз кезегінде
өңірге келген дәрігерлерге алғысын
білдіре отырып, аудан әкімшілігі аты-
нан хирургиядағы ұзақ жылғы же-
місті еңбегі үшін білікті хирургтер
М.Башабаев пен Е.Мырзабосыновқа
шапан жауып құрмет көрсетіп, алғыс
хат тапсырды.
Д.ТАЛҒАТБЕК
