АНЫҚТАМАНЫ eGov-тың КӨМЕГІМЕН АЛУҒА БОЛАДЫ
Шығыс Қазақстан облысының тұрғындары мүлік кепілін сату, нотариустерде, банктерде және басқа да ұйымдарда тіркеу кезінде жылжымайтын мүлік объектісі мекенжайының өзгеру тарихын мұрағаттық мәліметтерді тексеру бойынша жаңа сервистің көмегімен көре алады. Аталған сервис Қазақстан Республикасының Цифрлық даму және инновациялар министрлігі Мемлекеттік қызметтер комитетінің, «Ұлттық ақпараттық технологиялар» АҚ, «Мемлекеттік кредиттік бюро» АҚ және «бірыңғай нотариаттық ақпараттық жүйе»АҚ ақпараттық жүйелерінің жүргізілген интеграциясының нәтижесіне іске асырылды.
Жақында ҚР Цифрлық даму министрлігінде арнайы бұйрыққа қол қойылды. Енді азаматтардан бірқатар анықтамаларды талап етуге тыйым салынып қана қоймай, нотариустер мен банктерге клиенттерге қызмет көрсету кезінде сервисті пайдалануға да мүмкіндік беріледі. Осыған байланысты халық үшін жаңа қызмет түрі қолжетімді болды. Ендігі уақытта нотариустар мен банктерде мүлік кепілін тіркеу рәсімдері кезінде мекенжайдың тіркеу кодын қолдана отырып, жылжымайтын мүлік мекенжайының өзгеруі туралы мәліметтерді қарауға мүмкіндік ашылды. Яғни, бұдан былай қарапайым қоғамдық қызметтің көмегімен жылжымайтын мүліктің нақты мекенжайын растауға болады. Айта кету керек, онда тек мекенжайдың өзгеру тарихы ғана көрсетіледі, жылжымайтын мүлік туралы мәліметтер жоқ.
Бұрын жылжымайтын мүлік мекенжайының өзгергені туралы анықтаманы ХҚКО арқылы ғана алуға болатын еді. Бұл көп уақытты қажет ететін және жылжымайтын мүлікті ресімдеу кезінде проблемалар туғызатын. Енді шығысқазақстандықтар электрондық үкімет сайты арқылы жаңа қызметке тапсырыс бере алады.
Ал азаматтарға жаңа қызмет қандай жағдайларда қажет болуы мүмкін? Әрине, жылжымайтын мүлікті сату кезінде, кепілді тіркеу кезінде, тұрғын үй-коммуналдық қызметтер бөлімдері, көші-қон қызметі бөлімдері талап еткен кезде, өңірдің немесе облыстың атауы өзгерген кезде.
— Көптеген қазақстандықтар үйінің мекенжайы өзгерген кезде осындай проблемаға тап болады, бірақ жылжымайтын мүлікті сату кезінде нотариустер мен банктер мекенжайының өзгергені туралы анықтама алу үшін оларды ХҚКО-ға жіберуге мәжбүр. Қызмет танымал, бұған дейін азаматтар бұл анықтаманы жылына үш миллион рет алған. Белгілі бір қажеттілікті ескере отырып, біз сол нотариустар мен банктерге осы анықтамаларды талап етуге және жаңа сервисті пайдалануға тыйым салуға мүмкіндік беретін сервисті әзірледік, — дейді «Ұлттық ақпараттық технологиялар» АҚ Басқарма төрағасы Ростислав Коняшкин.
Ол сондай-ақ осындай сервис eGov mobilе мобильдік қосымшасының көмегімен «жылжымайтын мүлік және ТКШ» бөлімінде ұсынылатынын атап өтті. Портал экранында сұратуды сәтті өңдеу кезінде eGov.kz тарихи мекенжай мәліметтері көрсетіледі.
Айта кетейік, бұл жаңартулар ҚР Президентінің бюрократиясыздандыру туралы Жарлығы аясында жүзеге асырылды.
