Бүгін қаламызда заманымыздың заңғар жазушысы Мұхтар Омарханұлы Әуезовтің 125 жылдық мерейтойы аталып өтілуде. Жиын ең алдымен Әуезов алаңында орналасқан жазушы ескерткішіне гүл қою рәсімінен басталды.
Салтанатты жиында Абай облысының әкімі Нұрлан Ұранхаев, қоғам қайраткерлері және қала тұрғындары гүл шоқтарын қойып, Мұхтар Омарханұлының ескерткішіне тағзым жасады. Іс-шараға Абай ауданынан арнайы қонақтар да қатысты.
— Ұлы жазушымыз Мұхтар Әуезовтің бүгін туған күні. 125 жасқа толып отыр. Жазушымыздың рухына тағзым етіп, гүл шоқтарын қойдық. Бүгінгі Семейдегі тойымыз ертең туған жері Бөріліден бастап Абай ауданында жалғасын табады. Той құтты болсын, қазақ елі! -деді Абай аудандық қоғамдық кеңесінің төрағасы Төлеубек Аманғазыұлы өз құттықтау сөзінде.
Еске сала кетейік, драматург әрі ғалым Мұхтар Әуезовтың 125 жылдығы Республика көлемінде тойлануда.
