AMANAT партиясы Шығыс Қазақстан облыс- тық филиалының кезектен тыс XXVII конференциясы өтті
Мәжіліске AMANAT партиясы Шығыс Қазақстан облыстық филиалының төрағасы, облыс әкімі Даниал Ахметов, партияның Шығыс Қазақстан облыстық филиалының Саяси кеңес және Бюро мүшелері, облыстық мәслихат депутаттары, сыбайлас жемқорлыққа қарсы қоғамдық кеңестердің және партиялық бақылау комиссияларының төрағалары, жергілікті атқарушы және өкілетті орган жетекшілері, қоғамдық ұйымдар, жастар бірлестігі, бұқаралық ақпарат құралдарының өкілдері қатысты. Облыстық конференцияның күн тәртібінде AMANAT партиясының Саяси тұғырнамасының жобасын талқылау туралы және AMANAT партиясының кезектен тыс XXIV съезіне делегаттардың тізімін бекіту мәселесі қаралды. — AMANAT партиясының Саяси платформасы ағымдағы жылдың наурыз айында іске қосылған толық ауқымды партиялық трансформацияның бір бөлігі болып табылады. Платформа Қазақстанның басты қоғамдық күшінің болашаққа деген көзқарасын, даму бағдарларын, қағидаттары мен саяси мақсаттарын қамтиды. Саяси тұғырнаманы талқылауға партиялықтар, сарапшылар қауымдастығының өкілдері, ғылыми және шығармашылық зиялы қауым, азаматтық белсенділер белсенді қатысты. Платформа бойынша жүргізілген әлеуметтік сауалнамада 40 000-нан астам партия мүшесі өз ұстанымын білдірді, 1 000-нан астам бастама түсті. Біздің міндетіміз – AMANAT партиясының жаңа саяси платформасын тиімді іске асыруды қамтамасыз ету,- деді Даниал Ахметов. Кез келген партияның тұғырнамасы ұйым өкілдері үшін бағыт-бағдар жазылған маңызды құжат болып саналады. Мұнда Президенттің реформаларына да қолдау білдірілген. Партияның облыстық филиа- лының атқарушы хатшысы Әсем Рахметованың айтуынша, бұл – саяси құжаттағы негізгі ерекшелік. – Құжатта әр адамның лайық- ты білім мен қолжетімді дәрі-дәрмек алу құқығына, жеке өмірінің құпиясын қорғауға, жайлы әлеуметтік орта мен сенімді шаңыраққа ие болуына ерекше көңіл бөлінген. Проблемалық мәселелер мен оларды шешу жолдары нақты көрсетілген. Осы орайда біздің қоғамдық қабылдауларымыздың жұмысын мысалға келтіруге болады. Олардың жолға қойылған жұмысы партияға солтүстікқазақстандық- тардың мәселелерінен үнемі хабардар болуға мүмкіндік береді, ал өкілетті органдармен орнатылған байланыстардың арқасында мәселелер әлдеқайда жылдам шешіле- ді, — деді Әсем Рахметова. Өз кезегінде қалалық мәслихат депутаты Владимир Витченко AMANAT партиясы билік пен халық арасындағы көпір екендігін атап өтті. Баяндамасында халық қалаулысы «Дені сау ұлт» бағытына да тоқталып өтті. – Соңғы жылдары өңірімізде көптеген спорт нысаны бой көтерді. Барлығы 200-ден астам нысан — хоккей корттары, футбол алаңда- ры мен жүгіру жолақтары тапсырылыпты. Сондай-ақ биыл “Арт спорт” бағдарламасы іске қосылды. Бұл – біздің партиялық жобамыз. Айта кетейін, қазіргі уақытта шаһарда 3 мыңнан астам бала спорт үйірмелеріне тегін барады, — деді Владимир Витченко өз баяндамасында. Жиын соңында партияның өңір- лік филиалының саяси кеңесінің құрамына 33 адам қабылданды, ал бақылау-тексеру комиссиясының құрамы 5 адаммен толықты.
Талшын ҚАЛИАСҚАР,
«Семей таңы»
