Сәрсенбі, 5 қазан күні «Жылукоммунэнерго» МКК басшысы Серік Түленбергенов брифинг өт- кізіп, журналистердің сауалдарына жауап берді.
Семей қаласына жылу беріле бастағанына біраз күн өтті. Алайда тұрғындардан шағымдар келіп түсуде. «Жылукоммунэнерго» басшының айтуынша, қазіргі күні қаладағы нысандардың 95 пайызы жылуға қосылуға дайын. — Бүгінде барлық қазандықтар жұмыс істеп тұр. Сол жа- ғалаудағы ЖЭО-1 бірнеше күн бұрын іске қосылды. Нақтырақ айтсақ, білім беру нысандарының 73 па- йызы, медициналық нысандардың 85 пайызы жылуға қосылды, әлеуметтік нысандардың 75 пайызы, тұрғын үйлердің 60 пайызына жылу бе- рілді, — деді Серік Төленбергенов. Оның айтуынша, «Ғаббасов» жылу қазандығының фильтр жүйесінің істен шығуына байланысты қиындықтар туындап, бірнеше нысанға жылу беру тоқтатылған. Дер кезінде кемшілік жойылып, бұл мәселе шешілді. Сонымен қатар «Ғаббасов» үшінші қазандығы іске қосылған, ал бірінші қазандықта күрделі жөндеу жұмыстары аяқталуға жақын. — Жақында қалаға 40 мың тонна көмір жеткізілді. Бүгінде жылу орта- лықтарына біртіндеп берілуде. Қазіргі таңда қаладағы жылу жүйеле- рінің 62 пайызының тозығы жеткен, соған қарамастан тұрғындарға жайлы болу үшін бар жағдайды жасауға тырысамыз,- деді сала басшысы. Сондай-ақ жылу нысандардың жылу аспаптары мен құжат- тарының дайын болуына байланысты беріліп отыратынын да жеткізді. «Жылукоммунэнерго» МКК басшысы сонымен қатар шаһар тұрғындарының жылу беру мекемесінің алдында 73 млн теңге берешектері бар екенін жеткізіп, тұрғындарды қарызды төлеуге шақырды. Сол күні «Ғаббасов» қазандығы толық іске қосылып, қаланың сол жағалауындағы тұрғын үйлерге жылу берілді. Серік Түленбергеновтің айтуынша, осы аптаның аяғында қала жылуға толық қосылады деп жоспарланып отыр.
Талшын ҚАЛИАСҚАР,
«Семей таңы»
