ҚР Парламенті Мәжілісінің депутаты, «Нұр Отан» пар-тиясы парламенттік фракциясының мүшесі Нұртай Сабильянов Шығыс Қазақстан облысының шекаралас Зайсан және Күршім аудандарының 15 елдімекенінде сайлаушылармен 18 кездесу өткізді.
Депутатпен кездесуге келген тұрғындар кәсіпкерлікті дамытуға арналған несиенің қолжетімді болуын қамтамсыз ету, жастарды жұмыспен қамту, тұрғын үй салу, жол жөндеу, ауыз су, медициналық көмекті жақсарту, ауруханаларды күрделі жөндеу, елдімекендерді газбен қамтамасыз ету, инфрақұрылымды қалпына келтіру, ауылшаруашылығы өнімдерін өңдейтін кәсіпорындар ашу, еңбек өтіліне байланысты ең төменгі зейнетақыны арттыру және басқа да әлеуметтік мәселелерді көтерді. Сонымен бірге, тұрғындар шекара маңындағы елдімекендерді дамытуға назар аударуды сұрады.
{jcomments on}Сайлаушылармен болған кездесулерде халық қалаулысы Мемлекет басшысының халыққа биылғы Жолдауы, Парламенттің заң шығару қызметі, «Нұр Отан» партиясының жұмысы туралы жан-жақты баяндап берді.
Кездесулерден кейін Нұртай Салихұлы азаматтарды өз өтініштері бойынша жеке қабылдау жүргізіп, партияның аудандық мәслихаттардағы фракция мүшелерімен кездесті. Сонымен қатар, «Нұр Отан» партиясы мүшелеріне жаңа партиялық билеттер табыс етіп, елдімекендердің әлеуметтік нысандарын аралап көрді.
ҚР Парламенті Мәжілісінің баспасөз қызметі.
