«Шығыс» өңірлік әскери қолбасшылығы базасында ҚР Қарулы Күштерінің сарбаздары мен әскери оқу ордалараның курсанттары арасында табельдік қарумен атудан ел чемпионаты өтті. Ел көлеміндегі әскери сайыс ҚР Қарулы Күштерінің биылғы жылға арналған даярлық жоспарына және ҚР Қарулы Күштерінің әскери-қолданбалы, ойын және ұлттық спорт түрлері бойынша ХІІ Спартакиадасының бағдарламасына сәйкес ұйымдастырылды.
Жыл сайын дәстүрлі түрде өтетін чемпионатқа еліміздегі барлық өңірлік әскери қолбасшылықтардан, әскери оқу орындарынан және жеке әскери бөлімдерден барлығы он төрт команда қатысып, 150-ден астам әскерилер жауынгерлік әзірліктерін шыңдай түсті. Сайысқа қатысушылар алдымен табельдік қарудан, атап айтқанда, «АК» автоматымен мергендіктерін сынап, сондай – ақ, «Макаров» тапаншасынан нысана көздеуден де сынға түсті.
— Сайыстың мақсаты — ТМД елдерінің әскерилері арасында өтетін чемпионат-қа іріктеу болып отыр. Достастық елдерінің сарбаздары сынға түсетін халық-аралық сайыс алдағы қыркүйек айында Астана қаласында өткізіледі, — деген ҚР Қорғаныс министрлігі Армияшылардың орталық спорт клубының бұқаралық спорт жұмыстарын ұйымдастыру бөлімінің бастығы, подполковник Мұхтар Берниязов, — Жарыс жыл сайын өткізіліп келеді. Бұдан өзге әскери оқу орындарының курсанттары арасында да осындай сайыстар өткіземіз. Ағымдағы жылы шамамен он төрт спорт түрінен чемпионаттар өткізу жоспарда бар. Аталған са-йыстардың көбі әскери-қолданбалы спорт түрінен өтеді. Сондай-ақ, қазақ күресі, футбол, волейбол және әскери қоян-қолтық ұрыс түрлерінен жарыстар үздіксіз ұйымдастырылуда, — дейді.
{jcomments on}Сонымен қатар, бұл сайыста нәзік жандылар қауымы да өз өнерлерін көрсетті. Чемпионатта әрбір командадан бір-бір әскери аруларымыз шығып, мергендіктерін сынға салды. Ер азаматтарға қарағанда әйелдердің ішінде де құралайды көзге атқан мергендер бар екедігі сайыста анық аңғарылды.
Чемпионатта жоғары нәтиже көрсеткендердің бірі «Оңтүстік» өңірлік әскери қолбасшылығының жауынгерлік даярлық басқармасының дене дайындық бөлімінің бастығы, майор Үсен Нартаев болды. Қазақстан Республикасының табельдік қару атудан спорт шебері осындай жарыстарға бірнеше жыл қатарынан қатысып келе жатқанын айтады. Үсен Нартаевтың айтуынша, жарыс жоғары деңгейде ұйымдастырылған.
— Жарысқа «Оңтүстік» өңірлік әскери қолбасшылығынан өзіміздің командамызды алып келдік. Үш жауынгеріміз қолбасшылықтың намысын қорғауда. Осындай жоғары деңгейде чем-пионат ұйымдастырған ҚР Қорғаныс министрлігі Армияшылардың орталық спорт клубына, «Шығыс» өңірлік әскери қолбасшылығына алғысымыз зор. Жеке өзімнің көрсеткішіме ризамын. Жатып атудан жеке көрсеткіш бойынша 94 ұпай жинадым. Бұл өте жақсы көрсеткіш. Өткен жылы командалық көрсеткіш бойынша үшінші орын иеленген едік. Биылғы жа-рыста бірінші орын алуға үмітіміз бар. Өйткені, нәтижеміз өте жақсы, — дейді Үсен Нартаев.
Бір сөзбен айтқанда, чемпионат әскери қызметшілер арасында салауатты өмір салтын насихаттауға бағытталған. Ал, әскерилердің физикалық тұрғыдан мықты болуын ескерсек, бұл ретте спортқа машықтандыруға қажет жағдайлар тек республика құрама командасына кіретін спортшыларға ғана емес, барлық әскери бөлімшелерде жасалған. Бұл бағытта ҚР Қорғаныс министрлігі Армия-шылардың орталық спорт клубының жылда өткізіп тұратын спартакиадасының алар орыны ерекше.
Асан МЫРЗАХАНОВ, «Семей таңы»
