Семей қаласында халықтан қару-жарақ сатып алу акциясы жалғасуда. Естеріңізде болса, қару сатып алу акциясы биылғы жылдың 21 сәуірінен басталған болатын. Мақсат қоғамдық қауіпсіздікті қамтамасыз ету және атыс қаруларымен, оқ — дәрі жарылғыш заттармен жасалатын қылмыстардың алдын — алу.
Азаматтардың өз еркімен өткізген әрбір қарулар мен оқ-дәрілерге, жарылғыш заттарға 100 айлық есептік көрсеткішке дейін сыйақы белгіленіп отыр. Бұл заттарды ішкі істер бөлімдерінде қабылдайды. Заңсыз сақталған атыс қаруларды, оқ-дәрілерді және жарылғыш заттарды өз еркімен тапсырған азаматтар әкімшілік және қылмыстық жазаға тартылудан босатылады.
— Жалпы, бірнеше жылдың көлемі болды ҚР ІІМ қоғамдық тіртіпті сақтау, жарылғыш заттар мен атылатын қарумен жасалатын қылмыстарды болдырмау мақсатында тұрғындардың қолдарында немесе басқа да жолмен заңсыз сақталған, тауып алған қаруларды сатып алу акциясы жалғасып келеді, акция нәтижесіз емес. Ел көлемінде айналымда заңсыз жүрген көптеген қарулар тәркіленіп, олардың барлығы қазір ІІМ арнайы Қаулысымен жойылып отыр. Бұл шараның ең бір тиімділігі кейінгі кезде бұрынғы жылдармен салыстырғанда атылатын қару пайдалану арқылы жасалатын қылмыс-тар саны күрт төмендеп отыр. Осы бағыттағы жұмыстарды әлі де нәтижелі жүргізу мақсатында 2014 жылы аталмыш іс-шараны жалғастыру туралы шешім қабылданып, акция ел көле-мінде жүргізіліп жатыр, — дейді Семей қаласы ІІБ баспасөз қызметінің өкілі Елубек Оспанов.
Акция басталғалы Семей қаласы ІІБ-на 31 арыз түсіп, 34 бірлік қару, сондай-ақ, 3304 иір ойықты қаруға арналған оқ-дәрі тапсырылды. Семей қалалық ІІБ лицензия және қару айналымын қадағалау тобының аға инспекторы, полиция капитаны Талғат Дюсуповтың айтуынша, азаматтардың жеке есеп шоттарына сыйақылары аударылуда.
{jcomments on}- Семей қаласы тұрғындарына үйле-рінде заңсыз сақталған қаруларын тапсыруларын сұраймыз. Ол азаматтарға тапсырған қаруының, жарылғыш заттардың, оқ-дәрінің түріне және техникалық жай-күйіне байланысты айлық есептік көрсеткіштің 10-нан 100-ге дейінгі мөлшерінде сыйақы тағайындалады. Қару-жарақтарды көп жағдайда егде жастағы азаматтар тапсыруда. Ата-әжелерінен естелікке қалып, кейін тапсыруды жөн көретіндер де кездеседі, — дейді полиция капитаны Талғат Дюсупов.
Айта кету керек, өткен жылғы акция барысында төрт ай ішінде семейліктер мөлшері 500 бірлік қару тапсырған. Бұл көрсеткіш биыл аз болғанымен тәртіп сақшылары қала тұрғындары заңсыз сақталған қаруларды ішкі істер бөлімдеріне өткізіп, қарумен жасалатын қылмыстардың және төтенше оқиғалардың алдын алуда өз үлестерін қосады деген сенімде.
Асан МЫРЗАХАНОВ,
«Семей таңы»
