Семей қаласында Пржевальский көшесінің бойындағы 3 гектар аумақта қамыс жанып кетті, деп хабарлайды ҚазАқпарат Абай облысы ТЖД баспасөз қызметіне сілтеме жасап.
Өрт 16 қазан сағат 18:00 шамасында шыққан. Ең жақын тұрғын үй секторы жанып жатқан қамыстан 100-150 метр қашықтықта болған.
Оқиға орнына облыстың ТЖД, жергілікті атқарушы органдардың күш-құралдары жіберілді.
Елуден астам өрт сөндіруші қызыл жалынның жеке тұрғын үй секторына таралу қаупінің алдын алды, ешкім зардап шеккен жоқ. Сағат 20.22-де өрт сөндірілді.
Айта кету керек, аймақтың қатты батпақтануы, өрт сөндіру техникасын толық қолдана алмау және желдің болуы тілсіз жауды сөндіруге кедергі келтірді, ал бұл өрттің өздігінен таралу мүмкіндігін тудырды.
Алайда, тілсіз жаудың оқшаулануына қарамастан, осы уақытқа дейін өрт орнында периметрді қарауылдау және қайта жануына жол бермеу мақсатында техника мен жеке құрам кезекшілікте тұр.
