Өткен сенбіде Абай облысының әкімі Нұрлан Ұранхаев Семей қаласындағы емдеу мекемелерінің жағдайымен танысты.
Нұрлан Тельманұлы алдымен балалар жұқпалы аурулар емханасына барды. Тәулік бойы мамандандырылған әрі шұғыл медициналық көмек көрсететін емдеу мекемесі 140 орынға лайықталған. Мұндағы құрал-жабдықтардың 62 пайыздан астамы тозған.
Сонымен қатар аймақ басшысы облыстық фтизиопульмонология орталығына барды. Бұл емдеу мекемесі 340 төсек орынға есептелген. Емханалардың жағдайымен танысу барысында облыс әкімі жаңа жұқпалы аурулар емханасының жобалау-сметалық құжатын дайындап, алдағы уақытта құрылыс жұмыстарына кірісуді, сондай-ақ балалар фтизиопульпонология орталығын жабдықтауды арттырып, ғимарат ішінде жөндеу жұмыстарын жүргізуді тапсырды. Бұдан бөлек, науқастардың ем алуына және қызметкерлердің жұмыс істеуіне жайлы жағдай жасауды да ескертті.
Абай облысының әкімдігі
