Бүгін Семей қаласында «Жастар Рухы» Жастар қанатының ұйымдастыруымен Ұлттық мереке — Республика күніне орай «Бір тудың астында» атауымен автошеру ұйымдастырылды.
Темір тұлпарды тізгіндеушілер «ABAI» атындағы халықаралық әуежайдан бастап қаланың орталық көшелері арқылы «Қарағайлы» ықшам ауданына дейін жүріп өтті
«Ең алдымен барша қазақстандықтарды егеменді еліміздің басты мерекесі саналатын Ұлттық мереке — Республика күнімен құттықтаймын. Бұл мереке жастарды отансүйгіштікке тәрбиелеп, бойларында патриоттық сезім қалыптастырады. Осы орайда Семей қаласының Рухтас жастары 40 Toyota Estima автокөлігімен Семей қаласында автошеру ұйымдастырды. Шара барысында еліміздің көк байрағы желбіреді», — дейді шара ұйымдастырушысы Алмас Айтмұқаш. Айта кетейік, «Жастар Рухы» Жастар қанатының белсенділері осы уақытқа дейін бірнеше патриоттық акция ұйымдастырған болатын. Олардың қатарында: «Домбыра Party», «Менің туым — менің Қазақстаным», «Біз біргеміз!» және тағы басқа шаралар бар.
