Республика күніне арналған мерекелік шаралар Абай облысында өткен аптада бастау алған болатын. Жалпы, аймақ бойынша 200-ден астам шара өткізілді. Мереке күні облыстың орталық алаңдарында, саябақтары мен скверлерінде жаппай жәрмеңкелер, көрмелер, мерекелік концерттер ұйымдастырылды. Сондай-ақ Семей қаласында бірқатар нысан ашылып, баспана кілттері табысталды. Соның бірі – Семей қаласында ұйымдастырылған ағаш отырғызу акциясы.
Талшын ҚАЛИАСҚАР, «Семей таңы» «Атадан мал қалғанша, тал қалсын» деп кейінгі ұрпаққа өсиет қалдырған бабаларымыз жасыл желектің қор- шаған ортаға тигізер пайдасын жақсы білген. Жазда сая, қыста қамал бола- тын тал-терек айналамызға көрік беріп қана қоймай, ауаны тазартып, түрлі кір-лас атаулыны өзіне тартып алаты- ны, сондай-ақ көліктің шуын азайтатыны белгілі. Кейінгі ұрпаққа мирас болып жеткен ағаш отырғызу дәстүрі қазір де өз өміршеңдігін жоғалтқан емес. Абай облысының орталығы Семей қаласында Республика күніне орай ұйымдастырылған акция аясында аспалы көпір астындағы демалыс орнында және Сәтбаев, Би Боранбай көшелерінің бойында ағаш егілді. Игі шараға облыс басшысы Нұрлан Ұранхаев, Семей қаласы әкімі Нұрбол Нұрсағатов және мәслихат депутаттары, сондай-ақ 200-ден астам белсенді жастар қатысты. Осыдан бір айдан астам уақыт бұрын ашылған аспалы көпір астындағы қоғамдық орын енді жасыл желекке оранатын болады. Акция аясында воркаут алаңқайлар, скейт-парк, пар- кур алаңдары, фитнес аймақ және балалар ойын алаңдарында ағаш отыр- ғызылды. — Семей кезінде еліміздің ең жасыл қалаларының бірі болған. Енді облыс орталығы мәртебесін алған кезде, шаһарымызды бұрынғыдай жасыл желе- гі мол, саялы қалаға айналдырамыз. Алдағы жылдары бұдан да көп ағаш отырғызылатын болады, — деп атап өтті аймақ басшысы. — Ағаш егу – ұрпақтан-ұрпаққа қалған жақсы үлгі-өнеге. Бүгінгі шараға облыс және қала әкімдері, мәслихат депутаттары қатысуда. Мұндай үлкен акцияларға біз бейжай қарай алмаймыз, себебі қаламыздың көркеюіне атсалысу, табиғатты аялау азаматтық парызымыз деп білеміз. Алдағы уақытта да көгалдандыру жұмыстарына үлес қоса береміз, Семейдің әсем қала болғанын қалаймыз,- дейді белсенді жастар. Жалпы, бұл күні қалада 478 түп ағаш, 100 түп бұта, 2000 түп жасыл көшет егілді. Көпір маңындағы аумаққа – 120 түп (үйеңкі, алма ағашы – 70 түп, шырша – 50 түп), Сәтбаев көшесіндегі аумаққа – 170 түп (үйеңкі, алма ағашы – 120 түп, шырша – 50 түп), Би Боранбай көшесінде 188 түп ағаш (майқарағай – 50 түп, шырша – 138 түп) және 100 бұта (бөртегүл – 50 түп, бөріқарақат – 50 түп) отырғызылды. Акция аясында қатысушылар үшін мерекелік концерт ұйымдастырылды.
