Үржар ауданында, Ұлттық мереке – Республика күніне және Қабанбай батырдың 330 жылдығына орай, Қабанбай ауылында спорт модулі ашылды. Жаңа нысанның лентасын аудан әкімі Нұржан Тоқсеитов, еңбек ардагері Серікжан Жүнісұлы, Қазақстан Республикасының еңбек сіңірген жаттықтырушысы, спорт ардагері Төлеутай Сәйдікәрімұлы қиды.
Зарина КӘП «Семей таңы» Спорт модулі салтанатты түрде ашылған соң кешеннің үлкен залында қазақ күресінен аудандық ашық турнир өтті. Турнирге Қабанбай ауылынан шыққан палуандар, басқа да елімізге танымал спортшылар қатысты. Боз кілемге шыққан 22 палуанның 12-сі түйе палуан жүлдесі үшін, 10-ы өгіз палуан жүлдесі үшін бақ сынасты. Турнир қорытындысы бойынша, С.Шамшиев бірінші орынды жеңіп алып, түйе палуан атанса, екінші орынды А.Қалибеков, үшінші орынды Е.Әнуарбеков қанжығасына байлады. Ал өгіз палуан жүлдесі Е.Сеитказиевқа бұйырды, бұл белдесуде екінші орынды Қ.Қайырғазинов, үшінші орынды М.Сағатбеков жеңіп алды. Осы заманғы үлгіге сай салынған сәулетті ғимаратта болашақта қазақ күресі, дзюдо сынды үйірмелер жұмысын бастамақ. Қабанбай бабамыздың құрметіне «Дарабоз» атауы берілген кешен ауыл жастарын спортпен шұғылдануға ынталандырып, болашақ чемпиондарды дайындайтын бірегей нысан болады деген сенімдеміз. Ұлттық мерекеміздің қарсаңында сондай-ақ Үржар ауданындағы Таскескен ауылында жаңадан салынған 12 пәтерлі алты үй пайдалануға берілді. Пәтер кілттерін аудан басшысы Нұржан Тоқсеитов баспана иеле- ріне салтанатты түрде табыстады.
