Халық әртісі Мақпал Жүнісова тұрмысқа шығатынын айтып, күтпеген мәлімдеме жасады, деп хабарлады Elorda.info.
Жүнісованың бұл мәлімдемесі Youtube әлеуметтік желісінде жарияланды. Видеода көрсетілгендей, Халық әртісі күйеуге шығатынын айтып, қалжыңдайды.
Құрметті халайық! Бүгін мен үшін ерекше күн. Талдықорғанға келіп күйеуге шығайын деп жатырмын. Қыз жолдас Айжан Нұрмағамбетова болады. Неке сарайында бүгін баспасөз мәслихаты өтейін деп жатыр. Бір жігіт дайындап қоймадыңдар ма деп айтып жатырмын. Қалжың ғой, — деді Мақпал Жүнісова.
Ал желі қолданушылары өнер иесінің бақытты болуға лайық екенін жазып, тілектерін білдірді.
«Адамның көңілі ешқашан қартаймайды», «Адам қай жаста болса да, бақытты болуға хақысы бар ғой», «Алла бақыт берсін, жақсылықтың ерте-кеші болмайды», «Қартайғанда бірге шай ішіп, шүйіркелесіп отыратын адам керек қой!», «Бағыңыз жансын», — деп тілектерін білдірді желі қолданушылары.
