Абай облысының полицейлері «ақшаны жақын арада қайтарамын» деп ауыл тұрғындарын алдап жүрген ер адамды ұстады. Келтірілген шығын көлемі 10 миллион теңгеден асады, деп хабарлайды ҚазАқпарат.
Іс материалдарына сәйкес, ер адам алаяқтық жолмен жалпы саны 50 бас ірі қараны сатып алып, ауыл тұрғындарының ақшасын сатқаннан кейін төлеп беруге уәде еткен.
Күдікті аудандарды аралап, осындай жолмен мал «сатып алған». Алдағы уақытта ауыл тұрғындарына ақшасын төлеп беруге уәде берген.
Полицейлер 27 жастағы күдіктіні анықтады. Қылмыстық кодексінің 190-бабы «Алаяқтық» бойынша сотқа дейінгі тергеу басталды.
