Семей қаласы әкімінің орынбасары қызметіне Данияр Шәкәрімов тағайындалды, деп хабарлайды Semeytany.kz тілшісі.
Данияр Қайырханұлы 1981 жылы Абай облысы Аягөз қаласында туған.
Еңбек жолын 2000 жылы Семей қаласының наркологиялық диспансерінде есепші болып бастады.
2004-2013 жылдары Қазақстан Республикасы кедендік бақылау агенттігінің ШҚО кедендік бақылау департаментінде түрлі лауазымда жұмыс істеді.
2014-2016 жылдары Қазақстан Республикасы қаржы министрлігі ШҚО мемлекеттік кіріс департаментінде бас маман лауазымын атқарған.
2016-2018 жылдары аралығында Жезқазған қаласы «KAZTYRE» ЖШС-ның мемлекеттік сатып алу бойынша маманы.
2018-2019 жылдары Семей қаласының кәсіпкерлік бөлімі басшысының орынбасары, 2019-2021 жылдары аталған бөлімнің басшысы болды.
2022 жылдың мамыр айынан бастап осы уақытқа дейін Семей қаласының дене шынықтыру және спорт бөлімінің басшысы қызметін атқарған.
