Соңғы жылдары аймағымызда киокушинкай каратэ деп аталатын спорт түрі қарқынды дамып келеді. Облыс спортшылары осы спорт түрінен республикалық және халықаралық жарыстарда топ жарып жүр. Ал өткен жексенбі күні қаламыздың дене шынықтыру-сауықтыру кешенінде киокушинкай каратэ бойынша тұңғыш рет Абай облысы әкімінің кубогы үшін турнир өтті. І аймақтық жарыста Талдықорған, Риддер, Өскемен, Екібастұз, Астана, Алматы, Семей қалалары мен Қалбатау ауданынан мыңға жуық спортшы бағын сынады. Семей қаласының өзінен турнирге 250 спортшы қатысты.
Абай облысы бойынша «Каратэ шинкиокушинкай федерациясы» бірлестігінің филиалы, Бүкілқазақстандық киокушинкай каратэ федерациясының облыстық филиалы Абай облысының дене шынықтыру және спорт басқармасымен бірлесе ұйымдастырған сайыс «Каратэ есірткіге қарсы» акция аясында өтті. — Құрметті спорт жанкүйерлері, қымбатты қо- нақтар, спорт өнерінің майталмандары! Балалар жылы аясында киокушинкай каратэ бойынша тұңғыш рет Абай облысы әкімінің кубогына арналған турнир туған қаламыз Семейде өтіп жа- тыр. Еліміздің түкпір-түкпірінен жиналған спортшыларға Семей жеріне қош келдіңіздер дейміз! Жарысқа 6 жастан бастап 18 жастан асқан адамдар да қатысуға мүмкіндік алды, жас жағынан шектеулер жоқ. Келесі жылдары да жарысты жалғастыруға ниеттіміз, — деді Бүкілқазақстандық киокушинкай каратэ федерациясының облыстық филиалы директоры Олжас Қосаев. Айта кетелік, Бүкілқазақстандық киокушинкай каратэ федерациясының облыстық филиа- лы ашылғаннан бері үлкен жетістіктерге жетуде. Осы кезеңде бірлестіктің спорттық ұйымдарын- да жаттығатын спортшылардың саны 10 мыңнан асты, оның ішінде тек Семей қаласында ғана 1500-ден астам спортшы бар. Абай облыстық филиалы көптеген халықаралық турнирлердің чемпиондары мен жүлдегерлерін, соның ішінде Қазақстан, Азия, Еуразия, әлемнің бірнеше дүркін чемпиондарын дайындады, 60-тан астам қара белбеу иегерлерін тәрбиеп шығарды. Жарыс қорытындысы бойынша Семей қала- сының командасы І орынды иеленсе, Қарағанды қаласының спортшылары 2-орынды, Өскемен қаласының спортшылары 3 орынды қанжығала- рына байлады. Мыңнан тұлпар, жүзден жүйрік шыққан спорт-шылар жарыс соңында марапаттарға ие болды.
Дана ДУЛАТҚЫЗЫ,
«Семей таңы»
