Қазақтарға қатысты «мәмбет» сөзін қолданған Петр Бологов «Медиазона. Орталық Азия» басылымының бас редакторы қызметінен босатылды. Бұл жөнінде сайт басшылығы мәлімдеді.
«Медиазона. Орталық Азия» сайтының редакторы қазақтарға қатысты «мәмбет» сөзін қолданғаны үшін жұмыстан босатылды», — делінген дүйсенбі күні тараған ақпаратта.
Петр Бологов – ресейлік журналист, редактор. РИА Новости, Лента, РБК және басқа да бірқатар БАҚ-та жұмыс істеген. Өзін посткеңестік елдер бойынша сарапшы және тәуелсіз журналист ретінде көрсетеді.
Еске салайық, бұған дейін «Медиазона.Орталық Азия» онлайн-басылымының журналистері Мадина Қуанова мен Никита Данилин редактордың этикаға жат сөздерін әшкерелеп, кейіннен жұмыстан шығарылғаны белгілі болған.
