Ол босанар алдында күйеуін көруге келген, деп хабарлайды Ulysmedia.kz.
“Күйеуім екеуміз 2019 жылы таныстық. Мен онымен қысқа кездесуге келдім, мұнда біз некемізді тіркеуге дайындалғанбыз. Бұл бала менің де, күйеуімнің де тұңғышымыз. Бала дүниеге келген соң көпке дейін кездесе алмаймыз, сондықтан көріп кетуге келген едім. Барлығы мен ойлағандай өтеді деп үміттендім. Қатты толқып кеткен болармын”, – деді әйел.
Алғаш әке атанайын деп отырған азамат колония қызметкерлеріне алғысын білдірді, деп жазады Polisia.kz.
“Кездесу алдында Аня екеуміз таксофон арқылы хабарластық. Ол кездесуге келуге тәуекел етпеу үшін мен оны кездесуден бас тартқызуға тырыстым. Өйткені, бұл біздің тұңғыш сәбиіміз, ол екеуміз үшін де өте маңызды. Мен қазірдің өзінде 48 жастамын, ал ол 37-де. Мен ұрлық үшін 5 рет сотталғанмын. Әйелімнің бала көтеріп жүргенін білгенде, қатты қуандым. Кездесуде біз тек сөйлесіп, құшақтасып үлгердік, өйткені оның бірден мерзімінен бұрын толғағы басталды. Мен мекеме қызметкерлерін шақырдым, олар жедел жәрдем шақырып, әйеліме көмектесті, сол үшін үлкен алғысымды білдіремін!” – деді темір тордың ар жағындағы әке.
Дәрігерлер келгенге дейін колония қызметкерлері босанған әйелге психологиялық көмек көрсетпек болған. Көп ұзамай әйел аман-есен дүниеге сәби әкелгені белгілі болды, оның есімін Арсений деп қойды.
“Біз мұндай жағдайға бірінші рет тап болдық, бірақ бәрі жақсы аяқталғанына өте қуаныштымыз. Мекеме қызметкерлерінің жүкті әйелге дер кезінде көрсетілген көмекгі сәтті нәтижеге әкелді”, – дейді № 29 мекеме басшысының орынбасары Елена Еремеева.
