«Қазақстан Республикасы Үкіметінің қаулысымен Бекболат Серікұлы Молдабеков Қазақстан Республикасы Әділет вице-министрі қызметіне тағайындалды», — делінген хабарламада.
Бекболат Молдабеков 1991 жылы Жамбыл облысында дүниеге келген. Рысқұлов атындағы Қазақ экономикалық университетін бітірген.
Еңбек жолын 2014 жылы «Ұлттық ақпараттық технологиялар» АҚ жобалық кеңсесінде талдаушы болып бастады.
2014-2016 жылдар аралығында Инвестициялар және даму министрлігі Байланыс, ақпараттандыру және ақпарат комитетінің жаңа ақпараттық модельді әзірлеу және нормативтік-техникалық құжаттаманы сараптау бөлімінің бас сарапшысы міндетін атқарушы, бас сарапшысы болып жұмыс істеді.
2016-2017 жылдары — Ақпарат және коммуникациялар министрлігі Ақпараттандыру департаменті Жаңа ақпараттық модельді әзірлеу және нормативтік-техникалық құжаттаманы сараптау департаментінің бас сарапшысы.
2017-2018 жылдары — Ақпарат және коммуникациялар министрлігі Ақпараттандыру департаментінің Жаңа ақпараттық моделін әзірлеу және нормативтік-техникалық құжаттаманы сараптау басқармасының басшысы.
2018-2019 жылдары — Цифрлық даму, қорғаныс және аэроғарыш өнеркәсібі министрлігі Цифрландыру департаменті директорының орынбасары.
2019-2020 жылдары — Қазақстан Республикасы Цифрлық даму, инновациялар және аэроғарыш өнеркәсібі министрлігінің Цифрландыру департаментінің директоры.
2020-2021 жылдар аралығында Цифрлық даму, инновациялар және аэроғарыш өнеркәсібі министрлігінің Цифрлық трансформация, цифрлық шешімдер департаментінің директоры болып жұмыс істеді.
2021 жылдың тамызынан бастап Цифрлық даму, инновациялар және аэроғарыш өнеркәсібі министрлігі Мемлекеттік қызметтер көрсету комитеті төрағасының орынбасары қызметін атқарды.
