Ғылым және жоғары білім министрі Саясат Нұрбек келешекте сұранысқа ие болатын 5 мамандықты атады.
Министр ұсынған тізімде бірінші ақпараттық технологиялар саласы аталады.
Екінші орында ұстаздар бар. Министрдің сөзінше, елде демографиялық өсім деңгейі жоғары, сондықтан мектептер көбірек салынады, сәйкесінше 120 мыңға жуық ұстаз даярлау керек.
Үшінші орында медицина қызметкерлері бар. Саясат Нұрбек Қазақстанда вирусология, микробиология және эпидемиология саласында мамандар тапшы екенін айтады.
Төртінші орында көлік және логистика мамандары.
Ал бесінші орында ауыл шаруашылығы саласындағы мамандар. Оның ішінде агроном, ветеринар, өсімдіктерді қорғау, генетиктер еңбек нарығына қажет.
