Ауа райының қолайсыздығына байланысты Абай және Жетісу өңірлерінде жолшылар күшейтілген жұмыс режиміне көшті, деп хабарлайды ҚазАқпарат.
Ауа райының күрт өзгеруі жол қызметтері мен жүргізушілерге қиындық туғызып отыр.
Бүгін түнде аталмыш екі өңір бойынша 65 арнайы техника кезекшілік пен қысқы күтіп ұстау жұмыстарын атқарады.
«Жолдағы ахуал тәулік бойы бақылауда. Жолшылар республикалық тасжолда қалған көлік иелері мен жолаушыларға көмек көрсете бастады» деп хабарлады «ҚазАвтоЖол» компаниясынан.
Еске сала кетейік, мұның алдында «Алматы — Өскемен» жолында тіркемелі жүк көліктерінің қозғалысына тыйым салынған еді.
Алтынемел асуында көліктің барлық түріне жол жабылып, республикалық маңызы бар «Сарыөзек-Көктал» автожолында шектеу енгізілді.