Абай облысында 2026 жылға дейін 9 балабақша салынбақ, деп хабарлайды ҚазАқпарат тілшісі.
Абай облыстық білім басқармасының мәліметіне сүйенсек, 2026 жылға дейін өңір бойынша мемлекеттік-жеке меншік әріптестік аясында 2100 орынға арналған 9 балабақша ашылады.
Сонымен қатар «Жайлы мектеп» ұлттық жобасы аясында 5 700 орынға арналған 11 жаңа мектеп салу жоспарлануда.
«2023 жылы Семейде 3000 орынға арналған 5 мектеп, Водный кентінде 600 орындық, Аягөз ауданында 600 орындық, Ақсуат ауданында 300 орындық, Бесқарағай ауданында 300 орындық мектептердің құрылыс басталады. Ал 2024 жылы Семейде 6 мектеп, Жарма ауданы Қалбатау ауылында, Аягөз ауданы Ақтоғай ауылында, Ақсуат ауданы Екпін ауылында білім ордаларының құрылысы жүргізіледі, — деді басқарма басшысы Нұржан Ахметқалиев.
