Желтоқсан айының үшінші жексенбісінде елімізде Энергетиктер күні аталып өтеді. Абай облысының әкімі Нұрлан Ұранхаев төл мерекелеріне орай энергетиктермен кездесіп, сала үздіктеріне марапаттар табыстап, атқарған жұмыстары үшін алғыс білдірді.
Аймақ басшысы жиналғандарды Тәуелсіздік мерекесімен құттықтай келе, энергетика саласының қызметкерлері ел дамуына өлшеусіз үлес қосып жүргендерін атап өтті.
— Бүгінгі мереке өмірін энергетика саласымен байланыстырған адамдарды құрметтеуге ғана арналмайды, сонымен қатар олардың жұмысына берілген жоғары баға. Бұл сала біздің еліміздің экономикасының флагманы болып табылады. Себебі экономиканың барлық басқа салаларының өмірге икемділігі, жайлылық, жылулық және жарық энергетикаға байланысты.
Сіздердің жұмыстарыңыз – шынайы адал еңбек! Қызметтеріңіз ізгілікке толы. Күннің райы мен мерзіміне қарамастан, қандай жағдай болса да қаламызды жылусыз қалдырмай, халық игілігі үшін еңбек етіп келесіздер. Сіздердей еңбек адамдарына алғысымыз шексіз! — деді өз құттықтау сөзінде облыс әкімі Нұрлан Ұранхаев.
Шара барысында Қазақстан Республикасы Энергетика министрлігінің «Құрметті энергетик» төсбелгісімен «Теплокоммунэнерго» КММ өндіріс жөніндегі директордың орынбасары Николай Дёмин, «Теплокоммунэнерго» КММ 1-ЖЭО жөндеу жұмыстары жөніндегі басшысының орынбасары Александр Ульянов, «Теплокоммунэнерго» КММ жылу инспекциясының басшысы Сәдуақас Түсіпбеков, «Теплокоммунэнерго» КММ бас энергетигі Евгений Калайда марапатталды.
Абай облысы әкімінің Құрмет грамотасымен «Теплокоммунэнерго» КММ директорының құрылыс және жөндеу жөніндегі орынбасары Бейбіт Мәкенов, «Теплокоммунэнерго» КММ оң жағалауының жылу желілерінің басшысы Валерий Романченко, «Теплокоммунэнерго» коммуналдық мемлекеттік мекемесінің сол жағалауы жылу желілерінің басшысы Асет Ержанұлы Еділбаев, «Теплокоммунэнерго» КММ «Орталық» қазандығының басшысы Арман Төлеубекұлы Сайдуалиев, «Теплокоммунэнерго» КММ «Зооветеринарлық институты» қазандығының басшысы Александр Кусков; «Теплокоммунэнерго» КММ механикаландыру және автомобиль көлігі қызметінің басшысы Жарқын Жүнісбекұлы Әмірханов марапатталды.
Өз тілшіміз
