Семей Қалалық Мәдениет сарайында Әлихан Бөкейхан университеті мен Әміре Қашаубаев атындағы филармония ұжымының ұйымдастыруымен «Алашорда» үкіметінің құрылғанына 105 жыл толуына және Тәуелсіздік күніне орай салтанатты кеш өтті.
Кеш барысында қазақ ән өнерінің тарихына «Алаш» әндері» деген атпен енген бірегей музыкалық туындылар – Шәкәрім, Ахмет Байтұрсынұлы, Міржақып Дулатов, Қапез Байғабылұлы, Мағжан Жұмабаев сынды Алаш арыстарының әндері орындалып, көрермендерге әр әннің шығу тегі, мән-мағынасы мен орындалу ерекшеліктері туралы тарихи-танымдық ақпараттар берілді. Күннің аязына қарамастан, ұлтты ұйыстыруға, елдікті насихаттауға, еркіндік пен азаттыққа үндейтін жыр жауһарларын тыңдауға келген көрермен қауы- мы Мәдениет сарайының залына лық толды. Шәкәрім, Ахмет, Жүсіпбек, Мағжан, Міржақыптай Алаш арыстарын еске алуға арналған іс-шара- ғы Жарма ауданы әкімдігінің өкілдері арнайы ба- рып, қатысып қайтты. Аудандық мәслихат хатшы- сы Мейірхан Оспанбаев Жарма ауданының әкімі Жарқынбек Байсабыровтың құттықтауын жеткізіп, аталған университетте білім алып жатқан жармалық 12 студентке қаржылай сертификаттар табыстады. — Тарихқа тағзым ете отырып, жастардың бойында ұлттық сананы қалыптастыру біздің негізгі ұстанымы- мыз десек болады. Осынау рухани кешке арнайы келудегі негізгі мақсатымыз – университетте оқып жүрген аудан жастарына қолдау көрсету арқылы білім алуға деген ынта-жігерлерін арттыру үшін қаржылай сертификаттар тапсыру. Бұл жастардың келешекте өздері өсіп, білім алған туған жеріне келіп қызмет етеріне сенім мол. Жарма ауданы – ауыл шаруашылығымен қатар, кен өндіру саласы да дамып келе жатқан өңір. Аудандағы кадр тапшылығы мәселесін шешу мақсатында білім алып жатқан жастармен тығыз қарым-қатынас орната отырып, оларға қолдау көрсетудеміз,- деді аудандық мәслихат хатшысы Мейірхан Оспанбаев.
Айта кетелік, бұл қаржы аудандық «Береке» қорынан бөлініп отыр. Жарма ауданында осыдан 7-8 жыл бұрын құрылған қор өңірдің әлеуметтік-мәдени дамуына қолдау көрсетуге бағытталған. Аудандық қордың атқарушы директоры Құрма Тілеубаева құ- рамына ардагерлер мен ауданның Құрметті азамат- тары енетін құрылтайдың шешімімен мұндағы қаржы көп балалы аналар мен мүмкіндігі шектеулі жандарға көмек ретінде берілетінін айтты, сондай-ақ биылғы жылы қиын жағдайға тап болған өңірдегі 22 тұрғын қор есебінен баспаналы болғанын жеткізді. Таяуда аудан әкімінің бастамасы мен қор құрылтайының шешімімен университетте оқып жүрген аз қамтылған және көп балалы отбасылардың балаларына қаржылай қолдау туралы мәселе көтеріліп, оң шешімін тапты. Ел ертеңі жастарға қолдау көрсетудің маңызы зор. Университет ұжымы да әсем ән әуелеген руха- ни кешке үн қосып, шәкірттеріне қолдау көрсеткен Жарма ауданының өкілдеріне ризашылықтарын білдірді.
Кәусар АРЫҚХАНҚЫЗЫ,
«Семей таңы»
