Абай облысында Сенат депутаты сайлауына үш кандидат қатысады, деп хабарлайды ҚазАқпарат тілшісі.
14 қаңтар күні өтетін Сенат депутаттары сайлауына Абай облысынан 3 кандидат қатыспақ.
«Кандидаттардың барлығы өзін-өзі ұсынған. Оның ішінде 1 әйел, 2 ер адам бар. Басында өңірден 4 депутат тіркелген еді. Кейін 1 кандидатты тіркеудің күші жойылды», — деп хабарлады Абай облыстық аумақтық сайлау комиссиясынан.
ҚР Конституциялық заңының 73-бабына сәйкес облыстық сайлау комиссиясы Қазақстан Республикасы Парламенті Сенатының депутаттығына келесідей кандидаттарды тіркеді:
Әпенов Кималидин Сағалбайұлы — 1967 жылы туған. «Востокцветмет» ЖШС-ның Орлов өндірістік кешені әкімшілік-шаруашылық бөлімінің бастығы болып қызмет етеді. Қазіргі уақытта Бородулиха ауданы, Жезкент ауылында тұрады.
Маслова Анжела Владимировна — 1975 жылы туған. «Эйкос» ЖШС даму жөніндегі директоры. Семей қаласында тұрады.
Тастекеев Қайрат Құлбайұлы — 1967 жылы дүниеге келген. Семей қаласының құрылыс колледжінің директоры болып жұмыс істейді. Семей қаласында тұрады.
