Оралда жоғалып кеткен 14 жастағы қыз 5 күннен кейін аман-есен табылды деп хабарлайды Семей таңы Stan.kz ақпарат агенттігіне сілтеме жасап.
Батыс Қазақастан облыстық полиция департаментінің өкілдері іздестіру шаралары барысында қыздың 15 ақпанда сағат 18.00-де табылғанын мәлімдеді.
«Ол Зачаган кенті Сарытау шағын ауданындағы достарының үйінде болған. Аман-сау», – делінген хабарламада.
Еске салайық, бұған дейін Оралда 14 жастағы оқушының 5 күннен бері табылмай жатқаны туралы мәлімдеген едік. Зарина Нығметова 10 ақпанда шамамен сағат 22.00-де үйінен шығып, қайта оралмаған. Оқушы қаладағы №34 орта мектепте оқиды.
