«Қыздар ұлдарға қызмет көрсетуі керек»: Мектеп директоры асханада кезекшілік ұйымдастырып, оған тек қыздарды бекіткен.
Батыс Қазақстан облыстық дарынды балаларға арналған мамандандырылған IT лицейі мектебінің директоры Жеңіс Шонбаев жігіттерді асханадағы кезекшіліктен босатқан, ол мұның себебін «бұл олардың міндеті емес» деп түсіндірген. Директордың бұл шешіміне 9-сынып оқушысының анасы шағымданыпты.
«Екі апта бұрын қызым жылап хабарласып тұр. Сөйтсем кезекшілік кезінде орамал тақпағаны үшін директор оған қатты ұрысқан екен. Қызым айтқанын орындаудан бас тартқан соң, директор оның үш сыныптасын кезекшілікке қою арқылы жазалауды ұйғарады. Сонымен қоса ол келесі барлық оқушыларға спорттық секциялар мен білім беру курстарына баруға тыйым салады», — дейді әйел.
Ата-аналар шағымынан кейін облыстық білім басқармасы мектептегі кезекшіліктің тоқтағанын мәлімдеді.
