«Қазақстан аруы-2022» байқауының жеңімпазы Томирис Кәкімова «Әлем аруы» байқауында ел намысын қорғайды. Бұл туралы байқау ұйымдастырушылары әлеуметті желідегі ресми парақшасында мәлімдеді, деп хабарлайды Stan.kz ақпарат агенттігі.
“Қазіргі уақытта ару халықаралық сұлулық байқауына қатысуға дайындалып жатыр, онда ол басқа елдердің өкілдерімен әлемдегі ең әдемі ару атағы үшін бақ таласады. Томирис шешендік өнерін, талантын дамытуда, сахнада жүруді жаттықтырып, тілдерді үйренуде. Томириске сәттілік тілеп, ол үшін елімізбен бірге жанкүйер боламыз”, – делінген жазбада.
Томирис Кәкімова Гумилев атындағы халықаралық құқық мамандығы бойынша Еуразия ұлттық университетін тәмәмдап, Абай Мырзахметов атындағы Көкшетау университетінде құқықтану магистрі дәрежесін алған.
Посмотреть эту публикацию в Instagram
