Эверест шыңына жетуіне 300 метр қалғанда 24 жастағы израильдік альпинист Надав Бен-Йегуда, жарақат алған түрік альпинисті құтқару үшін, әлемнің ең биік шыңын бағындыру арманынан бас тартты.
Бен-Йегуда болған оқиғаны былай сипаттады: «Мен екі мәйіттің жанынан өттім. Тап жаңа өлген адамдардың мәйіттері, өйткені олар мен өрмелеп бара жатқан арқандағы адамдар еді. Олардың қозғалуға күші қалмай, белдерін мықтап байлап, ес-түссіз күйге (комаға) түсіп өледі, қалғандары олардың үстінен аттап кете береді.
Мен оны көргенде, бірден таныдым.
Бұл Айдын Ирмак (Түркия), мен онымен лагерьде танысқанмын. Ол ес-түссіз болды, қолғаптары, оттегілері, аяққа байлайтын темірлері жоқ. Өзінің өлетін сәтін күтіп жатты. Басқа альпинистер одан аттап өте берді. Егер мен тоқтамай өтіп кетсем, оның өлетінін білдім, сол себептен оны құтқаруға бекіндім.
Айдинмен бірге төменге түсуді бастадық, ол жол 9 сағатқа созылды. Оның салмағы ауыр болғандықтан маған өте қиын болды. Ара-тұра ол есін жиып, қайта есінен айырылып қалатын … Ол есін жиғанда, қиналғаннан айқайлайды, бұл сәттер біздің түсуімізді одан сайын қиындата түсті.
Төменге біз өте баяу түсіп жаттық, бірақ бір кезде менің оттегі маскам сынып қалды, аз уақыттан кейін біз Малайзиядан келген альпинистпен кездестік, оның да қиналып тұрғанын байқадым. Ары қарай төменге түсудің мүмкін емес екені белгілі болды.
Биікке көтеріліп жатқан альпинистерге мен айқайлап, екі жаралыға оттегін беруді сұрадым, әйтеуір оттегіні бергендер табылды. Сол оттегінің арқасында түрік жігіт есін жиды. Олар аман қалды… Лагерьге жеткесін, бізді тікұшақпен Катмандуға алып кетті және ауруханаға жатқызды.
Барлықтарын үсік шалды. Надав Бен-Йегуда құтқару кезінде қолғапты шешуге мәжбүр болғандықтан, саусақтары қатты үсіп кетті.
Менің алдымда екі таңдау болды: «Мен Эверестке шыққанымда ең жас израильдік болар едім, менің мансабым үшін тамаша болатын еді немесе альпинисті аман-есен таудан түсіріп, өмірін сақтау — мен екінші нұсқаны таңдадым және мен оны орындадым …
«Мені альпинизмге үйреткен және дайындалуға көмектескен, таудан түсерде көмекке мұқтаж адамды құтқаруға жеткілікті күш-қуат алғаным үшін барлықтарыңа рахмет айтамын».
Фейзбук желісінен алынды
