Ресейдің Омбы қаласында қазақ тілі мектептерде міндетті пән ретінде оқытылады
Мамандың айтуынша, өңірде қазақ тіліне сұраныс жоғары. Бұған қарамастан қаладағы 11 мектепте қазақ тілі бейіндік пән ретінде оқылып келген. Сонымен қатар Омбы қаласындағы мектептерде қазақ тіліндегі сапалы оқулықтар болмаған. Ал қазір тіл мамандарының қатысуымен жаңа оқулық дайындалған. Әзірге 1-4 сыныптарға арналған «Әліппе» мен «Қазақ тілі» оқулықтары сараптамадан өтіп, ресейлік оқу бағдарламасына ресми енгізіліпті. Алдағы уақытта жоғары сынып үшін де оқулық дайындалады. Омбы облысында 70 мыңға жуық қазақ тұрады. Сондықтан мұғалімдер ана тілін барлық мектеп пен балабақшада оқыту керек деп есептейді.
Дереккөз: Qazaqstan Ұлттық арнасы
