Бүгін Семейде ертегі кейіпкері Қыдыр ата дауыс беріп, қазақстандықтарды келе жатқан Наурыз мейрамымен құттықтады.
– Бүгінгі сайлау өте жақсы өтіп жатыр. Еліміздің болашағы үшін әрбір қазақстандық өз дауысын беруі керек деп есептеймін. Осы сәтті пайдалана отырып, баршаңызды келе жатқан Наурыз мейрамымен құттықтап, береке мен молшылық тілеймін. Жыл табысты болсын. Барша сайлаушылар мен кандидаттарға сәттілік тілеймін,– деді Қыдыр ата Қайрат Сәду.
Сайлаушыларға мерекелік Наурыз көже мен бауырсақ ұсынылды. Алғашқылардың қатарында келгендер үшін шашу ырымы жасалды.
Семей қалалық Қоғамдық кеңестің төрағасы Шаған Жұмақсанов Парламент Мәжілісі мен барлық деңгейдегі мәслихаттар депутаттарын сайлау күні туралы өз пікірін білдірді.
– Бұл сайлауды халқымыз көптен бері күтті. Бүгінгі сайлауға қуана- қуана келдік. 18 жасқа толған әрбір қазақстандық өзінің конституциялық құқығын пайдалана отырып, сайлауға атсалысуы тиіс. Барлық үміткерлерге сәттілік тілейміз. Депутаттың жауапкершілігі мол, депутат болу оңай емес, — деп атап өтті Шаған Жұмақсанов.
