Семейліктер таңертеңнен бастап Қазақстан Республикасы Парламенті Мәжілісі мен мәслихаттарының депутаттарын сайлауға қатысуда. М. О. Әуезов атындағы педагогикалық колледжде орналасқан №58 сайлау учаскесінде бүгін сайлаушылардың өтіп жатқан сайлауға деген жоғары қызығушылығы байқалады.
Қала тұрғындары таңертеңгі сағат 7-ден бастап әдауыс беру үшін учаскеге келуде. Дауыс берушілердің арасында сайлауға алғаш рет қатысушылар да бар. «Бұл менің алғашқы дауыс беруім. Дауыс беруге қатысқаныма өте қуаныштымын. Қазір ғана еліміздің болашағы үшін дауыс бердім», — деп атап өтті Айшагүл Әскерғазина.
Сайлау учаскелері сағат 20:00-де жабылады. Осы уақытқа дейін әрбір азаматтың өз учаскесіне келіп, дауыс беруіне мүмкіндігі бар.
