Абай облысы Көкпекті ауданында Мамай ауылының Амангелді атындағы мектебі жанынан 25 балаға арналған толық күнді балабақша ашылды
Балабақшаның ашылу салтанатына аудан әкімі Ділдәбек Оразбаев қатысып, Мамай ауылы тұрғындарын жаңа әлеуметтік нысанның ашылуымен құттықтап, бала-бақшаның ашылуына демеушілік жасаған бірқатар жергілікті кәсіпкерлер мен ауыл тұрғындарына алғысын білдірді.
Мектеп жасына дейінгі балаларды тәрбиелейтін мекеменің ашылуы Биғаш ауылында 25 баланы балабақшамен қамтамасыз етіп, екіншіден ауыл тұрғындарын жаңа 5 жұмыс орнын ашуға мүмкіндік берді.
Айта кетер болсақ биылғы жылы Көкпекті ауданы бойынша 100-ден аса бала балабақшамен қамтамасыз етілді. Жыл соңына дейін аудан бойынша тағы 200-ден астам баланы балабақшамен қамтамасыз етіп, аудан бойынша мектеп жасына дейінгі балаларды 100 пайыз балабақшамен қамтамасыз ету жоспарлануда.
