Абай облысының полицейлері бір — бірінен ұзақ жылдар бойы көз жазып қалған әке мен баланың кездесуіне себепкер болды деп хабарлайды Semeytany.kz
Екі жасынан бері әкесін көрмеген Павлодар қаласының тұрғыны Семей қаласының полицейлерінен көмек сұраған.
2 жасында ата-анасы ажырасып , анасымен бірге Павлодар қаласына кеткен азамат қасиетті Рамазан айында өзінің өмір бойғы арманы — әкесін қайта көру мүмкіндігіне қол жеткізді.
Әуезов полиция бөлімінің учаскелік инспекторы, полиция капитаны Әділ Баймурин толыққанды іздеуді ұйымдастырған.
Осы іздестіру нәтижесінде әкесінің ескі мекен жайында ұзақ уақыттан бері тұрмағаны, пәтерін сатқаны және шаруа қожалығына жұмыс істеуге көшкені белгілі болады. Көп кешікпей жігіттің әкесінің бүгінгі тұрып жатқан мекенін де анықтайды.
Сөйтіп ажырасқаннан бері арада 30 жыл өткен соң жанұя, нақты айтқанда әке мен бала учаскелік полиция қызметкерінің арқасында бір-бірімен қайта қауышты.
Жас жігіт полиция қызметкерлеріне алғысын білдіріп, жақын арада әкесін өзінің қамқорлығына алғысы келетінін айтты.
