«AMANAT» партиясының облыстық филиалының штабында Абай облыстық филиал төрағасы Қуаныш Сүлейменов, филиал атқарушы хатшысы Думанғазы Арғынғазин, қалалық мәслихат төрағасы Данияр Шәкәрімовтың қатысуымен «ВАСКАНИЯ» фирмасының басшысы Ирина Булутхановамен кездесу өтті.
Компания 20 жылдан бері арнайы киімдерді, былғары және жүннен жасалған бұйымдарды тігуге маманданған. Шағын бизнес тек семейліктер арасында ғана емес, сонымен қатар шетелдік қонақтар арасында да танымал. Кәсіпорын базасында кадрларды қысқа мерзімді даярлауды жүргізетін оқу орталығы да бар.
Әңгіме барысында Ирина Николаевна кәсіпорын мекемесін жалға алуда кейбір проблемалар бар екенін айтты. Кездесуде шағын бизнесті дамыту маңызды екені айтылып, мәселені шешу үшін құзырлы органдардан кеңес алынды.
