“AMANAT” партиясының Абай облыстық филиалы жанындағы партиялық бақылау комиссиясының төрайымы Маржан Бақыт, облыстық мәслихат депутаты, партиялық бақылау комиссиясының мүшесі Қуаныш Қасен Семей қаласындағы азық-түлік дүкендерін аралап, әлеуметтік маңызы бар өнімдердің бағасына мониторинг жүргізді.
Мониторинг нәтижесі бойынша жергілікті атқарушы органдармен бірге тиісті шаралар қабылданатын болады. Аймақтардағы әлеуметтік маңызы бар азық-түлік бағасының өзгергеніне қатысты мәліметтің мән-жайы Партиялық бақылау комиссиясының отырысында қаралады. Өзгеріс анықталған жағдайда мәселені шешу үшін ұсынымдар әзірленіп, нақты мерзімі мен жауапты тұлғалар белгіленеді.
