Жуырда YouTube арнасындағы «Уақыт көрсетеді» бағдарламасында мемлекет және қоғам қайраткері Заманбек НҰРҚАДІЛОВТІҢ алғашқы жары Нұрбике Нұрқаділова журналист Нұрсейіт Жылқышыбайға сұхбат берген. Осы мәселеге қатысты Мақпал Жүнісоваға хабарласып, сұхбат беруін сұраған. Әнші сұхбат беруден бас тартқанымен, күндесіне қатысты ойын бүкпей айтып қалды. Бұл туралы sn.kz хабарлады
Екі бөлімнен тұратын сұхбаттың өзегі – Зәкеңнің жеке өмірі, кейінгі тағдыры туралы. Осы сұхбатта Н.Нұрқаділова Зәкеңнің екінші әйелі болған Мақпал Жүнісоваға қатысты күдігін айтады. Өзімен бірге тұрғанда Зәкеңнің көп ішпегенін, Мақпалға кеткен соң көбірек ұрттағанын, «жағасы кірлеп» жүретінін сөз етеді.
«Ана жақтағы өмірін (Мақпалға кеткеннен кейін – ред.) де естігенбіз. Кереметтей өмір болған жоқ ол жақта. Сондықтан ұлыма үнемі әкеңді байқап жүр деп айтатынмын», – деді Заманбек Нұрқаділовтің бірінші жары.
Сондай-ақ Н.Нұрқаділова Зәкең жайында былай дейді: «Екі баласымен мені не үшін тастап кеткенін білмеймін. Бірақ, Мақпал екеуінің махаббаты – есепке құрылған махаббат. Егер махаббат болса, неге кісіден ажалы болады?».
Тіпті Н.Нұрқаділова «Зәкеңді бірінші отбасынан әдейі алып кеткен болуы мүмкін» деген күдігін де жасырмады.
NEGE тілшісі Мақпал ЖҮНІСОВАҒА хабарласып, осы мәселеге қатысты сұхбат беруін сұраған. Әнші сұхбат беруден бас тартқанымен, күндесіне қатысты ойын бүкпей айтып қалды.
«Рақмет, қарағым! Даже не стоит! Мен ол кісінің деңгейіне түспеймін. Бәрін өтірік айтып отыр. Сондықтан мен ол кісімен жарысып сұхбат бермеймін. Кешірім өтінем, оттай берсін!», – деп жауап берді әнші.
Дереккөз: nege.kz
