Семейде Қазақстан халықтарының бірлігі күні ерекше сән-салтанатпен аталып өтілуде. Бейбітшілік аралында өткен салтанатты мерекеге Абай облысының әкімі Нұрлан Ұранхаев, қала әкімі Нұрбол Нұрсағатов және қала тұрғындары қатысты.
Мерекелік шараға халық көп жиналды. Көңілдері көтерінкі, бір-бірін құттықтап жатыр. Әрбір ұлт өзінің мәдениетінен сыр шертетін «Білім ордасы», «Мәдениет ордасы», «Балалар ордасы», «Достық ордасы» деген атаулармен инпровизацияланған көрме ұсынып, қойылым қойды. Өз ұлтының әнін шырқап, биін биледі. Балаларға арналған конкурстар, сайыстар, каратэ бойынша демонстрациялық шеберлік сабақтары өтті. Сондай-ақ, қалалық мәдениет сарайының концерті, әр ұлттардың достық биі, театрландырылған қойылым, спортшылар шеруі мен ағаш отырғызу рәсімдері өтті. Қазақстан халықтарының бірлігі күніне арналған мерекелік шараны 2000-ға жуық адам тамашалады.
Айта кетейік, бүгін Бейбітшілік аралындағы мерекелік шарадан бөлек, 1 мамыр- Қазақстан халықтарының бірлігі күніне орай Степной кентінде ат жарыс өтуде. Сондай-ақ, 18:00-де Абай театрында Семей қаласының әкімінің кубогіне арналған жайдарман ойындары өтеді.
#Семейқаласыныңәкімдігі
