Әлемге әйгілі әнші Димаш Құдайберген жеке өміріне қатысты сұрақтарға жауап берді деп хабарлайды Stan.kz ақпарат агенттігі.
Өнер иесі қазіргі уақытта жүрегінің бос екенін айтты.
“Ғаламторда менің бірнеше әйелім барын жазыпты, бірақ мен әзірге бойдақпын, басым бос. Жеке өмірімді жария етуге қарсымын. Болашақта әйелімді көрсетпеймін. Егер ол ел алдында жүрген, халық танитын адам болса, онда әңгіме басқа. Негізінде болашақ жарымды бет алды көпшілікке көрсеткім келмейді. Оны сөз еткенін қаламаймын. Балаларымды да көпшілік алдына шығаруға қарсымын. Жеке өмір құпия болып қалу керек”, – дейді Димаш Құдайберген “Sputnik Армения” ақпараттық агенттігіне берген сұхбатында.
