Бүгін «AMANAT» партиясының облыстық филиалында «AMANAT» партиясының облыстық филиалының төрағасы Қуаныш Сүлейменов, облыстық филиалдың атқарушы хатшысының м.а., партиялық бақылау комиссиясының инспекторы Майра Құржықаева, аумақтық партия филиалдар атқарушы хатшыларының қатысуымен отырыс өтті.
Отырыс барысында партияның сайлауалды бағдарламасын іске асыру жөніндегі облыстық, аудандық, қалалық Жол карталарының орындалу барысын және 2023 жылғы сайлау кезеңі барысында түскен ұсыныстар мен талап-тілектер бойынша атқарылып жатқан істер қарастырылды. Облыстық филиал төрағасы Қуаныш Серқазыұлы өз сөзінде сайлауалды бағдарламаны сапалы іске асыру партия мүшелерінің ортақ міндеті екенін атап өтті.
Туындаған проблемалық мәселелер қаралып, оларды шешу үшін бірқатар тапсырмалар берілді. Өз кезегінде, партияның облыстық филиалы барлық сайлауалды уәделердің уақытылы орындалуын бақылауды күшейтетінін мәлімдеді.
