Осы аптада Мәжіліс Қазақстанда алғаш рет электрсамокаттар қозғалысын реттейтін заң қабылдады. Электрсамокаттар енді көлік құралы ретінде танылады. Түзетулерді әзірлеуші Екатерина Смышляева жаңа ережелер туралы айтып берді.
Депутаттың мәліметінше, жоба екі жыл бұрын әзірленген. Бастапқыда тротуарларда электрсамокаттардың жүруіне тыйым салу жоспарланған, бірақ кейін жұмыс тобы олардың жаяу жүргіншілер аймағындағы жылдамдығын сағатына тек 6 шақырымға дейін шектеу туралы шешім қабылдады. Тәжірибесіз жүргізушілер үшін адам көп шоғырланатын орындардағы сақтық ережелері бойынша кеңестерді көліктің осы түрін өндірушілер де береді.
Өзіңізді және өзгелерді жол-көлік оқиғалары мен айыппұлдардан қорғау үшін электрсамокаттарды жүргізу кезінде тағы қандай ережелерді білу керек, бейнероликтен көре аласыздар.
