Бүгін Қазақстан Республикасы цифрлық даму, инновациялар және аэроғарыш өнеркәсібі министрі Бағдат Мусин Семей қаласындағы Халыққа арналған жаңа цифрлық кеңсенің салтанатты ашылуы рәсіміне қатысты.
New CON-ның орналасқан жері кездейсоқ таңдалмады. Аталған бірегей кеңсе халық саны 70 мыңнан асатын Қарағайлы, Энергетик шағын аудандарындағы азаматтарды қамтитын болады. Бүгінгі күнге дейін Семей қаласының осы бөлігіндегі тұрғындарға орталықта орналасқан ХҚКО қызмет көрсетті.
New CON-ның кіреберіс тобына постаматтар орнатылғаннан кейін дайын құжаттар 24/7 режимде берілетін болады.
Бөлімде тәулік бойы бейнебақылау және күндізгі уақытта күзет жүргізіледі. Ғимарат өрт және күзет дабылына қосылған.
