Дүниежүзілік ас қорыту денсаулығы күні жыл сайын 29 мамырда әлемнің жүзден астам елінде атап өтіледі. Бұл күн ас қорыту жүйесінің денсаулығы мәселесіне назар аударуға және орган ауруларының алдын алу туралы ақпаратты таратуға бағытталған.
Асқорыту жүйесі адам өмірінде маңызды рөл атқарады. Өкінішке орай, көптеген адамдар ас қорытуға тиісті мән бермейді. Олар тез тамақтанады, дұрыс емес тағамдарды таңдайды, денсаулығына күтім жасамайды.
Осылайша, бұл жүйенің аурулары көбінесе кеш анықталып жатады және емдеу қиынға соғады. Сондықтан скринингтік тексеру, ас қорыту жүйесін күтіп ұстау, денсаулықты сақтаудың қажетті шарттары болып табылады.
Тұрақты скрининг пен бақылаудан басқа, тамақтануды бақылау маңызды. Дұрыс тамақтану, зиянды әдеттерден бас тарту және тұрақты физикалық белсенділік ас қорыту жүйесінің дұрыс жұмыс істеуіне көмектеседі.
Еске салайық, консультативтік-диагностикалық қызметтер, атап айтқанда КТ, МРТ, УДЗ міндетті әлеуметтік медициналық сақтандыру жүйесі аясында тегін, сондай-ақ әлеуметтік маңызды және созылмалы аурулары бар науқастарға медициналық көмектің кепілдік берілген көлемі аясында қолжетімді. Пациенттер емдеуші дәрігердің нұсқауымен КТ, МРТ немесе УДЗ үшін медициналық ұйымды өз бетінше таңдау мүмкіндігіне ие, ең бастысы, клиника ӘМСҚ-на медициналық қызмет көрсетуші болуы керек.
