Облысымызға отбасыларға шұғыл медициналық қызмет көрсету үшін бес жедел жәрдем көлігі және ерекше қажеттіліктері бар адамдардың қозғалысы үшін үш инватакси келді.
Осыған дейін облыс әкімі Нұрлан Ұранхаевпен кездесу барысында тұрғындар шұғыл медициналық көмекке мұқтаж пациенттерді тасымалдау мәселелері туралы айтқан болатын. Жақында «Samruk-Kazyna Trust» әлеуметтік жобаларды дамыту қоры жаңа техниканы сыйға тартты. Реанимобильдер қан айналымы жүйесінің аурулары, инсульт кезінде сапалы шұғыл медициналық көмек көрсету үшін, сондай-ақ шалғай ауылдарда ана мен бала өлімін азайту үшін пайдаланылатын болады. Автокөліктер жедел жәрдемге реанимациялық бригада күштерімен, ауруханаға дейінгі кезеңде тасымалдау және жай-күйін мониторингтеуге арналған және қазіргі заманғы талаптар мен нормативтерге сәйкес жабдықтармен жабдықталған.
Айта кетейік, бүгінде Абай облысында мүгедектігі бар адамдарды тасымалдау бойынша 16 инватакси қызмет көрсетеді. Автопарк тағы 3 көлікпен толықты. Бұл автомашиналар мүгедектігі бар адамдарға арналған облыстық спорт клубына, психоневрологиялық патологиясы бар және тірек-қимыл аппараты бұзылған балаларға арналған Үржар балалар орталығына және Абай облысының мүгедектерді абилитациялау және оңалту орталығына қызмет көрсетеді.
«ST»- ақпарат
