Түркістан облысы Ордабасы ауданындағы Төрткүл елдімекенінде тұратын 1985-1986 жылғы туған түлектер мектепті бітіргендеріне 20 жыл толуына орай төрт баласы бар жалғызбасты анаға үй салып берді,-деп хабарлады otyrar.kz
Төрткүлдіктердің айтуынша, үйдің құрылысы екі ай көлемінде жүргізілген.
Баспананың құрылысы наурыз айында басталып, бүгінде үй иелеріне берілді. Бұл түлектердің сыйға тартқан екінші үйі екен. Олар осы уақытқа дейін ауыл болып қаржы жинап, бір отбасыға үй сатып алып берген.
Айта кетсек, Ордабасы ауданында 10 ауыл округі, 57 елдімекен бар. Аудан халқының саны – 128 049 адам.
