Бүгін Балаларды қорғау күніне орай “Qamqor” денсаулық орталығында таңертеңгілік өтті.
Елімізде мүмкіндігі шектеулі жандарға қолдау көрсетіп, қоғамға бейімдеуге баса мән беріледі. Бірақ ерекше жандарды оңалту және оларға жан-жақты көмек көрсетумен айналысатын орталықтардың жұмысы көпшіліктің назарынан тыс қалып жатады.
Бұл ретте Абай облыстық мәслихат депутаты Шолпан Чегедекованың бастамасымен ашылған «QAMQOR» мүгедектерге медициналық-әлеуметтік көмек көрсету орталығы барлық талаптарға сай жұмыс істеуде. Орталық қызметкерлері мен мерекелік шараға қатысушы татар мектебінің шәкірттеріне “AMANAT” партиясының Абай облыстық филиалы атынан алғыс хаттар табысталды.
Бүгінгі мейірімге толы шарада балалар өз өнерлерін көрсетіп, би билеп, әндерін орындады. Өнерлерін ары қарай да шыңдай беру мақсатында “AMANAT” партиясының Абай облыстық филиалының төрағасы Қуаныш Сүлейменов балалардың игілігіне музыкалық орталықты сыйға тартты.
“Еліміздің болашағы – балаларымыз аман болсын, ауырмасын! Тек биік белестерден көрінулеріне тілектеспін!” — деп атап өтті Қуаныш Серқазыұлы.
“AMANAT” партиясының Абай облыстық филиалы
