«AMANAT» партиясының Абай облыстық филиалы жанынан гуманитарлық көмек қабылдау пункті ашылғаннан бері Бородулиха ауданы бойынша өрттен зардап шеккендерге жан-жақтан көмек көрсетілуде.
Партияластар алғашқы сәттен бастап гуманитарлық көмек ұйымдастырумен айналысты. Көмекке мекемелер, жеке адамдар мен коммерциялық емес сектор да үлесін қосты. Абай облыстық, қалалық және аудандық мәслихат депутаттары, Семей қалалық Достық Үйі, «Силикат» ЖШС, «Эйкос» ЖШС, Семей медицина университеті, «Вайнах» шешен-ингуш этномәдени бірлестігі, «AMANAT» партиясының Жарма, Бесқарағай аудандық филиалдарының өкілдері жерлестеріне азық-түлік пен дәрі-дәрмекті тоқтаусыз жіберді.
Ары қарай бұл өнімдерді үлкен арнайы автокөліктерге тиеп, өртпен белсенді күресіп жатқан «Бородулиха-Жерновка» және «Озерки-Талица» бағытына жіберілді.
«AMANAT» партиясының мүшелері, «Жастар Рухы» Жастар Қанатының еріктілері өрт сөндіру үшін жұмылдырылған қызметкерлерге су және басқа да көмек жөнелтілді.
Барлық гуманитарлық көмек далалық асхана деп аталатын дислокация орындарына немесе екі жедел штабқа жеткізілді.
«AMANAT» партиясының Абай облыстық филиалының баспасөз қызметі
